Nek manda plon youyout gɨt pinatpinat 

Pakap gulat 2016 wolonda Isolde Kapuslɨ Nek mandalok kenan taŋ eŋgɨt ep yousiŋguk wolonda kundit youyout gɨt pinapinat (Litrisi) kenan walɨ bo Nek amatamdok boŋgɨpsinan indaŋguk patak. 

Tɨmbi Nek gɨnaŋ Elementri endaut-sem kenan taŋ endɨ kenandok nanandɨ epgɨlɨŋ wɨn ŋɨndɨŋ; Venekula Krietif Foniks (VPE), walɨ e-dauttɨ en-daut-sem tɨtɨŋdok telak wɨn mandasi plon youyout ba pinapinat wolok nanandɨ. Nain wolonda e-dauttɨ en-daut-sem tɨtɨŋdok nepenepek tɨmbu indambi kenan tɨtɨŋdok telak komblin wɨn tambo daulɨm tɨŋgɨlɨŋ. Tɨmbi nain no wɨn wembe gwaŋgwaŋ ba amatam gulatsi simba kusei kusei endɨ kasat pepa gɨnaŋ pinapinatok wolok manda kasat youyout wolok nanandɨ epepmɨn. Tɨmbi kenandok nanandɨ no e-dauttɨ epeptok een patak wɨn Iŋglis manda wolok palak tɨpitɨpi, wɨn Nek manda nanin Iŋglis gɨnaŋ ŋaŋaŋ wolok en-daut-sem tɨtɨŋdok telak tɨmbu indainda wolok nanandɨ.