Nek amatamdɨ SIL-PNGlɨ gɨŋgɨt manda tambatambat kenan taŋ wɨn dama sɨnɨk Devit Hainam gɨt tamɨn Yoana endɨ Numaŋgaŋ manda plon kusei kɨmɨlumbi ka-nandɨŋgɨlɨŋ, wɨn gulat 1977 wolonda.
Gulat 1980-84 wolonda SIL kenan ama no gɨt tamɨnat wɨn Vena gɨt Stujman endɨ US nasit, endɨ bɨmbi Goambot nain lakat pakap kak ŋaŋgɨmɨk. Tɨmbi gulat 1988 wolobda tam Finlan nanin koi Katri endɨ bɨmbi Goambot wolok papi Nek amatam gɨt manda tambatambat kenan kusei kɨmɨkuk. Nain wolonda kapa it tɨpet gɨt noŋgot pakɨlɨŋ wɨn Kote pepa it damanin gɨt kulan nanaŋ sisiŋ it. Man ŋɨndɨŋgɨt wekat noŋgan asupgandɨ ip it sak kwambɨŋ maŋbi pakaŋ. Kote pepa it damanin no wɨn tɨ-kaikaiŋe tɨmbumbi wembe gwaŋgwaŋ yanaŋgɨttok masɨk tɨpet gɨt no indaŋguk patak.
View of Goambot in 1990
Nek manda plon gɨŋgɨt manda tambatambat kenan walɨ bɨndaŋgan sɨnɨk kusei kɨmɨkuk. Ganmet, man ip Gɨŋgɨt Manda Komblin wɨn ip tambane teletelen, ka-dan tɨmbi tɨ-dɨndɨme tɨ-ta-ŋakap kiupi noŋgan tɨmbu-saktalok. Tɨmbi Gɨŋgɨt Manda Damanin wɨn bo 30% wolok tuat ip tambatambanen, tɨmbi walɨ bo ka-dan tɨmbi tɨ-dɨndɨme plon patak. Tɨkap tɨ-dɨndɨme kanan walɨ telaumet ep kiutok, tɨmbi walɨ wakan Nektok Gɨŋgɨt Manda kuyan indaukak.
